कोल्हापुरात ४ मे रोजी ‘महा आरोग्य शिबिर’; मोफत वैद्यकीय तपासणीची संधी
(आवाज इंडिया प्रतिनिधी )
कोल्हापूर : शिवसेना कोल्हापूर शहर व ग्रामीण जिल्हा समन्वयक सत्यजित (नाना) शिवाजीराव कदम यांच्या वाढदिवसानिमित्त शहरात ‘महा आरोग्य शिबिर’ाचे आयोजन करण्यात आले आहे. या शिबिरात नागरिकांना मोफत वैद्यकीय तपासणीची सुविधा उपलब्ध करून देण्यात येणार आहे.
हे शिबिर सोमवार, दि. ४ मे २०२६ रोजी सकाळी १० ते दुपारी २ या वेळेत पार पडणार असून शहरातील विविध पाच ठिकाणी एकाच वेळी आयोजन करण्यात आले आहे. यामध्ये सर्वधर्म समभाव हॉल (विचारे मळा), प्रिन्स शिवाजी विद्यामंदिर (जाधववाडी), पांडुरंग उलपे हॉल (कसबा बावडा), समाज मंदिर हॉल (सिद्धार्थनगर) आणि विश्वशांती तरुण मंडळ हॉल (कानाननगर) या ठिकाणांचा समावेश आहे.
या उपक्रमाच्या माध्यमातून सर्वसामान्य नागरिकांना आरोग्य तपासणी, सल्ला आणि प्राथमिक उपचार मोफत देण्याचा उद्देश आहे. स्थानिक पातळीवर आरोग्य सेवा अधिक सुलभ करण्यासाठी हा उपक्रम राबविण्यात येत असल्याची माहिती आयोजकांकडून देण्यात आली.
या शिबिरात नागरिकांनी मोठ्या संख्येने सहभागी व्हावे, असे आवाहन आयोजकांनी केले आहे. अधिक माहितीसाठी ९१२२४१५५६६ या क्रमांकावर संपर्क साधावा.