आवाज इंडिया 

कराड: पुणे विभाग शिक्षक मतदारसंघ निवडणूक २०२६ च्या पार्श्वभूमीवर भारतीय जनता पक्ष महायुतीचे अधिकृत उमेदवार शिक्षकमित्र कौस्तुभ गावडे यांच्या प्रचाराचा शुभारंभ कराड येथे उत्साहात संपन्न झाला. या कार्यक्रमाला भाजपचे महाराष्ट्र प्रदेशाध्यक्ष रवींद्र चव्हाण, साताऱ्याचे खासदार श्रीमंत छत्रपती उदयनराजे भोसले, सार्वजनिक बांधकाम मंत्री छत्रपती शिवेंद्रसिंहराजे भोसले, ग्रामविकास मंत्री जयकुमार गोरे, कराड उत्तरचे आमदार मनोजदादा घोरपडे, कराड दक्षिणचे आमदार डॉ. अतुलबाबा भोसले आणि आमदार धैर्यशील कदम यांच्यासह प्रमुख नेते व पदाधिकारी उपस्थित होते.

पुणे विभाग शिक्षक मतदारसंघाच्या निवडणुकीच्या पार्श्वभूमीवर या प्रचार शुभारंभाला महत्त्व प्राप्त झाले आहे. कौस्तुभ गावडे यांच्या प्रचारासाठी भाजपच्या वरिष्ठ नेत्यांनी उपस्थिती लावल्याने पक्षाच्या निवडणूक तयारीला वेग आल्याचे चित्र दिसून आले.

शिक्षक मतदारांच्या समस्या, त्यांच्या अपेक्षा, प्रलंबित प्रश्न आणि शैक्षणिक क्षेत्रातील विविध विषय या निवडणुकीत महत्त्वाचे ठरणार आहेत. शिक्षकांशी थेट संवाद साधून त्यांच्या प्रश्नांना प्राधान्य देण्याच्या दृष्टीने प्रचाराच्या माध्यमातून प्रयत्न केले जात आहेत.
दरम्यान, कौस्तुभ गावडे यांना शिक्षक मतदारांकडून वाढता पाठिंबा मिळत असल्याचे त्यांच्या समर्थकांकडून सांगण्यात येत आहे. आगामी काळात पुणे विभागातील विविध जिल्ह्यांमध्ये प्रचाराला वेग येणार असून, शिक्षक मतदारांचा कौल कोणाच्या बाजूने राहणार, याकडे राजकीय वर्तुळाचे लक्ष लागले आहे.