कोल्हापूर : पर्यावरण संवर्धनासाठी उल्लेखनीय कार्य करणाऱ्या व्यक्ती व संस्थांचा गौरव करण्यासाठी कृती फाउंडेशनच्या वतीने जागतिक पर्यावरण दिनानिमित्त “पर्यावरण गौरव पुरस्कार २०२६” सोहळ्याचे आयोजन करण्यात आले आहे. हा पुरस्कार वितरण समारंभ दि. ५ जून २०२६ रोजी सकाळी १० वाजता राजर्षी शाहू स्मारक भवन, दसरा चौक, कोल्हापूर येथे होणार आहे.

पर्यावरण विषयावर सातत्याने कार्य करणारे शिक्षक, सामाजिक संस्था, शासकीय अधिकारी-कर्मचारी, पत्रकार तसेच पर्यावरण जनजागृती, वृक्षसंवर्धन, जलसंवर्धन, स्वच्छता, प्लास्टिकमुक्त अभियान आणि पर्यावरणपूरक उपक्रम राबविणारे पर्यावरणप्रेमी यांच्याकडून अर्ज मागविण्यात आले आहेत.

पर्यावरण क्षेत्रात केलेले कार्य समाजापुढे यावे आणि प्रेरणादायी उपक्रमांचा गौरव व्हावा, या उद्देशाने हा पुरस्कार समारंभ आयोजित करण्यात आल्याची माहिती कृती फाउंडेशनच्या वतीने देण्यात आली.

इच्छुकांनी आपला परिचय, छायाचित्र आणि पर्यावरण विषयक कार्याची माहिती युनिकोड मराठीत व्हॉट्सअ‍ॅप क्रमांक 9765024443 वर पाठवावी. अधिक माहितीसाठी 8263953044 या क्रमांकावर संपर्क साधावा, असे आवाहन आयोजकांनी केले आहे.